Integer Vitae
Integer vitae scelerisque purus
Non eget Mauris iaculis nequ(e) arcu
Nec venenatis gravida sagittis,
Fusce, pharetra.

Namque me silva lupus in Sabina,
Dum meam canto Lalagen et ultra
Terminum curis vagor expeditis,
Fugit inermem.

Pone me pigris ubi nulla campis
Arbor aestiva recreatur aura,
Quod latus mundi nebulae malusque
Iuppiter urget.

Pone sub curru nimium propinqui
Solis in terra domibus negata:
Dulce ridentem Lalagen amabo,
Dulce loquentem.
– Horace