Caesar’s Triumph (to the tune of Clementine)

Ecce, Caesar nunc triumphat, quī subēgit Galliam,
Civiumque multitūdō celebrat victōriam.

Refrain:
Gāius Iūlius Caesar noster, imperātor, pontifex,
Prīmum praetor, deinde cōnsul, nunc dictātor, moxque rēx.

Ēn!  Victōrēs prōcēdentēs, laetī flōribus novīs,
Magnā praedā sunt potītī et captivīs plūrimīs.

Refrain

Exsultantēs magnā vōcē, “Iō triumphe!” concinunt,
Dum aurātum ante currum victa oppida ferunt.

Refrain

Lēgiōnēs Viam Sacram tōtam complent strepitū.
Capitōlīnumque collem scandit Caesar in currū.

Refrain

Ō sōl pulcher, Ō laudande!  Caesarem recēpimus,
Et corōnā triumphālī honōrātum vīdimus.

Refrain

– J. C. Robertson (1934)